UCHAGUZI: Samweli Sitta aibuka mshindi mweyekiti wa bunge la katiba

 

UCHAGUZI: Samweli Sitta aibuka mshindi mweyekiti wa bunge la katiba Samweli John Sitta ameibuka mshindi katika kinyanganyiro cha kuwania nafasi ya mwenyekiti wa kudumu wa bunge maalumu la katiba. Sitta ameshinda kwa kura 487 dhidi ya mpinzani wake Hashim Rugwe ambaye alipata kura 69 sawa na asilimia 12. Majira ya saa kumi jioni wajumbe wa bunge maalumu la katiba walikusanyika katika uchaguzi wa mwenyekiti wa kudumu atakae ongoza bunge hilo. Msimamizi wa uchaguzi ambaye pia ni katibu wa bunge Dkt Thomas Kashilila alibainsiha baadhi ya taratibu muhimu ambazo zingezingatiwa katika uchaguzi. Kama ilivyo ada ya chaguzi za viongozi zinazofanyika ndani ya bunge wajumbe walipewa muda wakujinandi kabla ya kuchaguliwa. Wajumbe waliingi katika mchakato wa kupiga kura,kati ya wajumbe 629 wa bunge maalumu katiba wajumbe 563 wamepiga kura katika kura hizi Mheshimiwa Samweli Sitta aliibuka mshindi dhidi ya mpinzani Rugwe. Wajumbe wa bunge maalumu la katiba kesho watakutana tena katika uchaguzi wa wa makamu mwenyekiti ambaye kutokana na kanuni za bunge maalumu la katiba anatakiwa kutoka visiwani Zanzibar.